Bashkia Sarandë përcjell një mesazh të ministrit të Brendshëm Çuçi, pjesë e një projekti promovuar nga ky i fundit një ditë më parë, lidhur me nevojën e vetëregjistrimit të adresës së banimit.
“Sot nisim një fushatë ndërgjegjësimi për qytetarët që të regjistrojnë dhe saktësojnë adresën e banimit. Ky është gjithashtu një detyrim ligjor dhe kusht që të mos vetëpërjashtoheni nga aksesi në shumë shërbime publike”, ishte ajo çfarë tha Çucic, edhe si një paralajmërim.
Më tej, ai sqaroi procedurën:
“Kudo ndodheni e në çdo kohë, mund të aplikoni online nëpërmjet portalit #eAlbania ose duke shkuar vetë në zyrat e Gjendjes Civile në bashkinë ku banoni.
Bashkitë kanë një rol të rëndësishëm në këtë proces të domosdoshëm, finalizimi i të cilit sjell përfitime për të gjithë.
Regjistri Kombëtar i Adresave idealisht do të jetë burimi i vetëm i saktë dhe i përditësuar për të ditur më në fund se kush banon ku.
Ky regjistër duhet të jetë referenca e vetme për t’u orientuar kudo në Shqipëri, për t’i dhënë fund njëherë e mirë adresave të çuditshme që sa herë i dëgjojmë duket sikur janë aty pikërisht për të na treguar zhvillimin kaotik të pas viteve ’90”, tha ministri i Brendshëm. /sarandacity.al/
713402 208766hello i discovered your post and thought it was extremely informational likewise i suggest this website about repairing lap tops Click Here 6741
618217 441113Enjoyed looking at this, quite good stuff, thanks . 12493