Bashkia Sarandë përcjell klipin lajmërues të një eventi të pritshëm këto ditë në qytet.
Është fjala për një simpozium ndërkombëtarë artistësh të arteve figurative, me një pjesëmarrje shumë të gjerë.
“‘SARANDA ART DAYS’ (Ditët e Saranda Art), është eventi më i madh artistik i shtatorit, për Sarandën, që përjeton zgjatimin e sezonit veror.
Do të jenë 35 mjeshtra të penelit nga gati 15 vende të Ballkanit, Europës dhe bota, deri nga Egjypti, nga Arabia Saudite e Sudani, që do të bujtin këtu.
Artistët e përfshirë në këtë Koloni Ndërkombëtare, vijnë tek ne nën organizimin dhe sipërmarrjen e Qendrës ‘Tirana Art’, të drejtuar nga piktorja me shpirt poetik Jona Dividi. Ajo ka mbështetjen e Bashkisë së Sarandës, ashtu si edhe në nisje të vitit të 100-vjetorit të saj.
Jona dhe Qendra e drejtuar prej saj, Tirana Art’, është për herë të dytë në Sarandën tonë, me projekt arti. Ardhja e parë ishte ajo e 8 marsit 2021, me ekspozitën e dedikuar ‘Artistët për Gruan’, informon më detajisht zëdhënësi Thoma Nika.
Ky simpozium do të zhvillohet për 5 ditë rresht, nga data 10 deri më 15 shtator, në ambentet e Resort Bukenvile. /sarandacity.al/
https://youtu.be/lTJ0bqE_RKY
