Berisha ka ndarë me publikun diçka që mundet ta kishte zgjidhur dhe duke mos e bërë këtë.
Ai ka refuzuar dietat që i ka dhënë Kuvendi si deputet dhe ka kërkuar që ato të tërhiqen nga llogaria e tij bankara, pikërisht nga Kuvendi.
Këtë “akt ndershmërie” ai ia ka servirur vetë publikut, duke e ndarë pikërisht me të këtë përjetim autosugjestionues, te cili fshihet dhe një mesazh për “non grata”-n e papranueshmë për të amerikanëve.
“Sot nga mediat mesova se ne llogarine time bankare parlamenti ka derdhur per muajin shkurt dieta per mua si dhe per 93 deputete te tjere shumen prej 75250 leke dieta.
Lidhur me sa me siper deklaroj sa vijon:
1-Une nuk kam patur asnje dijeni per keto dieta.
2- I kerkoj parlamentit ti terheqi ato nga llogaria ime bankare ku i ka derdhur.
3-Une jam deputet i Qarkut te Tiranes dhe si tille nuk do pranoj asnje diete deri ne fund te mandatit.
Levizjet e mia jashte Qarkut te Tirane do ti perballoje me te ardhurat e mia”, shkruan Berisha.
Kujtojmë se ky politikan monumental i post-komunizmit shqiptar, sa prej jetëgjatësisë në politikë, sa prej protagonizmit e sa prej bëmave, vuan të shpallurit “non grata” nga amerikanët me arsyetimin e të qënit i korruptuar.
Në 97-ën, vitin më vështirë të tij politike e tutje, deri në rehabiltimin e tij dalëngadalë nga 2001-shi e tutje, ai i gëzohej një perceptimi publik se sado problematik në stil politik, nuk ishte i korruptueshëm. Por në 8 vitet e qeverisjes si kryeministër, pas rikthimit në pushtet, më shumë prej fëmijëve, ministrave apo njerëzve në nivele të ndryshme pushteti, mbi të u krijua dhe perceptimi i një të korruptuari. Së paku, amerikanët kështu mendojnë. /tesheshi.com/
