Pas trazirave në selinë blu, Berisha doli në një konferencë për mediat, duke thënë se protesta ishte paqësore.
“E vërteta është se protesta ishte tërësisht paqësore. Kjo protestë kishte detyrë të hapte duart e blinduara dhe të mbyllura nga Edi Rama me pengun e tij Lulzim Basha. Protesta dyert i hapi, nderim të madh!
Nderim të madh të gjithë atyre protestuesve të cilët me guxim dhe vendosmëri e gjakftohtësi çanë blindet e Edi Ramës dhe peng Bashës, pa gërvishtur qoftë edhe një person të vetëm”, ishte ajo se si e vizatoi ai situatën e dhunshme në PD.
Por çdo ndodhë më tej, pasi Berisha nuk arriti të futet në seli?
“Shumë prej jush pyesin kur do të rikthehemi? Komisioni i Rithemelimit do t’u njoftojë. De fakto sot Lulzim Basha zëvendësoi Çuçin e familjes, u bë si të thuash ministri i Brendshëm i Edi Ramës, me qëndrimin ndaj demokratëve.
Ne i qëndrojmë plotësisht dhe me vendosmëri karakterit paqësor të protestës sonë. Atyre që sot përdorën hunjtë kundër protestuesve paqësorë, narkobanditëve me uniformë që përdorën dhunën, u them vetëm kaq: keni kryer një krim të shëmtuar, sepse kjo opozitë nuk mund të mposhtet dhe nuk mposhtet.
Është e vendosur pavarësisht nga mjetet që do të përdorni, të përdorë të gjithë fuqinë e saj për çmontimin e narkoshtetit. Ju garantoj se Shqipëria e tërë, me një program të caktuar do të jetë në protestë, protestë dhe vetëm protestë”. /tesheshi.com/
