Në një reagim pas shpalljes publikisht jo vetëm si person por dhe si familje “non grata”, ish-kryeministri Berisha i kërkoi SHBA-së që t’i thoshte ç’shkelje konkrete ka bërë gjatë karrierës si vendimmarrës ekzekutiv.
“Duke shprehur keqardhje per vendimin dhe duke e konsideruar ate pa asnje baze konkrete, ju ftoj te beni publike çdo fakt e dokument qe administrata e juaj, apo kushdo ne bote, mund te disponoje per te argumentuar pretendimin tuaj per mua dhe familjaret e mi”, shkruan Berisha në reagimin e tij.
Më tej, ai pretendon se gjithnjë ka qenë një proamerikan dhe se ka patur raporte të shkëlqyera me SHBA.
“Gjate 30 viteve ne politike une kam patur ne SHBA, dhe kam me shume se ne cdo vend tjeter, miq te medhenj, me te cilet ndihem gjithnje krenar. Mirenjohja ime mbetet e pakufishme per gjithçka vendi i juaj i madh ka bere per lirine e kombit tim”, pretendon Berisha.
Gjithashtu, Berisha pretendon se ka qenë dhe pro Reformës në Drejtësi.
“Po keshtu une kam mbeshtetur reformen ne drejtesi e te gjitha ndryshimet kushtetuese, por kam kritikuar dhe denoncuar çdo akt te ndermarre ne kundershtim flagrant me amendamentet kushtetuese per vendosjen e kontrollit te plote politik mbi sistemin e drejtesise”.
Por ai nuk ngurron të sulmojë ashpër George Sorosin në reagimin ndaj SHBA.
“Une gjithashtu kam denoncuar ne mediat shqiptare dhe te huaja, duke ditur shume mire pozicionin por edhe lidhjet e panumerta te tij, multimiliardierin George Soros, si korruptorin me kryesor te politikaneve te sotem dhe ne gjykimin tim, si nje armik te vertete te demokracise ne vendin tim”, shkruan ndër të tjera Berisha. /sarandacity.al/
