Situata në Kuvendin e Shqipërisë është agravuar sërish, krejt paimagjinueshëm edhe me zjarr brenda sallës. Grupimi berishist, me Berishën në krye, në një gjendje nervoze të paprecedent, deri në kufijtë e të paimagjinueshmes, i ka vënë flakën ulëses së Lulzim Bashës. Nga ana tjetër, ulëset e deputetëve të
mazhorancës janë mbledhur e kthyer sërish përmbys para vendfolëses kryesore të parlamentit.
E gjitha kjo sjellje e një pjesë të opozitës, asaj që ka për prijëtar Berishën, i cili e ka opozitarizmin e dhunshëm e të egërt identitet të tij politik, ndodh me pretendimin se atyre iu është mohuar e drejta kushtetuese e krijimit të komisioneve hetimore. Nga ana tjetër, mazhoranca ka rënë dakort për krijimin e disa sosh, por jo të të gjithave, sa kërkon opozita, duke argumentuar se kjo është antikushtetuese, pra krijimi i një komisioni pa asnjë lloj kriteri apo kufizimi.
Nga tjetër, kjo lloj çmendurie opozitare vjen pas arrestimit nga SPAK të dhëndërit të Berishës dhe vendosjes së një mase sigurie ndaj këtij të fundit, lidhur më çështjen “Partizani”.
Berisha as nuk ka shkuar në SPAK e është përbetuar të mos shkojë aty, duke sfiduar kështu hapur drejtësinë dhe shtetin ligjor.
Trazira e fundit edhe më zjarr në sallën e parlamentit, ndodhi në seancën kur duhej të diskutohej e miratohej projektbuxheti 2023, që gjithsesi, mazhoranca e ka miratuar dhe në këto rrethana të pazakonta. /saranadacity.al/
