Dy shoqata turizmi vendosën që ta “ndajnë përgjysëm” midhjen, pra festën e “Mbretëreshës së Liqenit”, sipas një marrëveshjeje nënshkruar mes tyre.
Pra, do jetë Ksamili fillimisht e më pas Sarandë, duke mos e veçuar as të njëra e as të tjetra, por gjetur një ekuilibër dhe logjik.
“Festa e Midhjes do të zhvillohet në Ksamil e në Sarandë”, shkruan Soralo Nebo nga Ksamili, i Lëvizjes për Zhvillimin e Turizmit”.
“U kuptuam mirë me njëri tjetrin dhe këtë gjë e konkretizuam në një dokument që do t’i shërbejë qëndrueshmërisë së Festës së Midhjes.
Së bashku me Benin kemi qënë dakord parimisht, gjithmonë, se festa duhet të zhvillohet dhe të promovohet si një ndër aktivitetet identitet të rajonit.
Mendonim ndryshe për territorin ku duhet të zhvillohej.
Sot mbas arsyetimeve të drejta se festa duhet të fillojë të ndodhë aty ku është Mbretëresha, në shtëpin e vet, e pastaj ajo të prezantohet kudo ku ka mikpritje! Mendimet ndryshe nuk u përplasën por mirëkuptim gjetën.
Kjo marrëveshje mirëkuptimi i hap rrugë ngritjes së një grupi pune për përcaktimin e aktiviteteve të festës dhe prezantimit në Këshillin Bashkiak për miratim.
Faleminderit Sotir Arben Cipa për bashkimin e forcave për të promovuar një ndër produktet më unike të rajonit si dhe t’u japim zë fermerëve që të përmirësojnë veten”, përfundon arsyetimin e tij Nebo.
Kujtojmë se Festa e Midhjes nisi si event në kohën e kryebashkiakut Stefan Çipa, duke u përqëndruar fillimisht vetëm në Sarandë. /sarandacity.al/
