Rithemelimi i PD-së, më saktë kahja Berisha, e provoi sërish të hyjë në seli, si dje, por e njëjta skena: dera nuk hapej. Ndyshonin vetëm personazhet. Nuk kishte Flamur Noka, por kolegë të tij.
“Kemi ardhur këtu me drejtuesit e tre degëve të Tiranës, me Gentin dhe Ivin dhe kishim caktuar një mbledhje pune dhe vend tjetër për ta bërë përveç shtëpisë sonë nuk ka. Kjo është kthyer në një shtëpi e mbyllur. Është kthyer në një bunker.
Kujt i shërben kjo? Të gjejë dikush një të mirë publike, një interes, që opozita të kthehet në burg, bunker.
I shërben vetëm Bashës që të mbajë karrigen e tij dhe Ramës. Opozita është në këmbën ditën e shtunë do ta çlirojë këtë bunker, do ta kthejë në shtëpinë e madhe të demokratëve.
Opozita duhet t’i ketë dyert e hapura. I dhamë kohë për një arsye se duam të mirën e opozitës dhe demokratëve. Ai vullnet do të shkojë në vend”, tha deklaroi Aldo Bumçi.
Krah tij, Gent Strazimiri, ishte edhe më i ashpër. Ai tha se të shtunën “do të marrin xhevapin. Janë 44 mijë vetë që duan të hyjnë në PD më datë 8”.
“Ky oborr i shkretëtirës, godina e zbrazëtisë së madhe. Nëse do kishte betejë nuk do ishte në kafe. Sot ky oborr do gumëzhinte nga demokratët. Asnjë demokrat s’duhet të kishte dilemën a do i hapet dera apo jo.
Ky oborr i zbrazët, kjo godinë e mbyllur në këtë mënyrë tregon frikën nga demokratët, jo nga regjimi, me regjimin e ka grurë. janë 44 mijë vetë që duan të hyjnë në PD më datë 8.
Këta thjesht kanë ndërmend ta mbajnë të zbrazët e të shkretë këtë godinë.
Më datën 8 do marrin xhevapin, kjo është shtëpia e demokratëve. Kjo godinë dhe ky oborr nuk mund të rrinë të zbrazëta”, tha Strazimiri. /tesheshi.com/
