Biznesi, kërkesë qeverisë: Na e hiqni orën policore!

Shoqata e Biznesit këmbëngul që të hiqet ora policore, pasi, siç shprehen në një reagim të fundit, kjo po ndikonin shumë në të ardhurat e tyre, aq më tepër pasi një viti pandemik.

Në një letër dërguar drejtuar ministries së Shëndetësisë Ogerta Manastirliu, thuhet se është e nevojshme që të merren masa lehtësuese, duke paralajmëruar se nëse nuk do të ketë reagim, lënë mundësinë e hapur për përshkallëzim të bizneseve.

“….Kërkojmë lehtësira nga Ju, pasi ne si biznese po përballemi me vështirësi ekonomike. Ora policore ende në fuqi, na privon nga aktivitetet që ne si biznese (lokale) zhvillojmë; dasma, gëzime familjare e cermoni të tjera), duke na ushtruar presion të vazhdueshëm dhe nuk na lejojnë të zhvillojmë normalisht aktivitetin tonë ekonomik, brenda orarit të lejuar nga institucionet, cka na vështirëson së tepërmi ekonominë, gjë e cila reflektohet edhe te të ardhurat familjare të çdo drejtuesi biznesi. Për këtë arsye kërkojmë të rishikohen masat në fuqi, duke patur parasysh edhe numrin e ulët të rasteve me infektime nga COVID-19, ashtu sikurse edhe vdekshmërinë.

 Goditja që kemi marrë nga një vit mbylljeje për shkak të pandemisë dhe orës policore ende në fuqi, do të na e vështirësojë akoma dhe më shumë ekonominë dhe financat, duke na cuar drejt falimentit.

Është e udhës të gjendet një zgjidhje dhe reagim sa më i shpejtë nga ana juaj, në te kundërt edhe ne referuar rregullave e ligjeve në fuqi do të reagojmë”, thuhet në reagim. /sarandacity.al/