Një pronë mes rrugës 1 dhe 2 mendohet të jetë një prej arsyeve të kontrollit blic të një Task Force të Kryeministrisë, kryer të enjten në Hipotekën e Sarandës.
Thuhet se aty, treshja e Edi Ramës, Helena Lula, Enertil Canaj dhe Sokol Plaku, sekuestruan 9 dosje të vitit 2019, të cilat dyshohen se kanë probleme abuzivizmi.
Shqiptarja.com veçon pikërisht një pronë e një ndërtim të tipit lokal apo restorant, për koiçidencë pak metra larg Hipotekës, ku thuhet se ka patur probleme.
Një nga dosjet e sekuestruara lidhet me një pronë mbi të cilën po bëhet një ndërtim pa leje, lokal, dhe pa miratimin e një prej pronarëve. Kjo leje ishte për një periudhë dhe është falsifikuar shtyrja me shkrim dore – thuhet kështu nga kjo media në Tiranë. /sarandacity.al
