Pas një debati të nxehtë mbi kalimin e Butrintit te amerikanët për menaxhim, gjë që u kundërshtua fort nga shumë zëra, mes tyre dhe nga Auron Tare, njohësi më i mirë i Parkut dhe njeriu që e futi në interesin botëror si sit arkeologjik, deri në përfshirjen në UNESCO, vjen projekti i një qendre vizitorësh që pritet t’i japë një tjetër dimension interesit turistik.
Ministrja Margariti njofton se japonezët e Kengo Kuma and Associates është fituesja e Konkursit Ndërkombëtar mes 4 studiove të arkitekturës për hartimin e projektit për Qendrën e Vizitorëve në Parkun Kombëtar të Butrintit.
“Për qasjen unike arkitekturore në krijimin jo thjesht të një objekti, por të një porte hyrëse në pasurinë e Butrintit, me një pamje të mrekullueshme dhe krijimin e një hapësire publike takimi për komunitetin lokal dhe turistët”, shkruan ajo.
Siç raportohet më tej, konkursi ndërkombëtar u shpall Fondacioni për Menaxhimin e Butrintit dhe u financua pikërisht nga Fondi Shqiptaro-Amerikan për Zhvillim, organizuar nën mbikqyrjen e Ministrisë së Kulturës nga kompanisë britanike Malcolm Reading Consultants.
“Kjo qendër, e denjë për të mikpritur vizitorët, me të gjithë infrastrukturën e nevojshme në shërbim të tyre do të respektojë së pari vlerat e jashtëzakonshme universale jo vetëm të zemrës arkeologjike, por të të gjithë Parkut Kombëtar”, thuhet mbi këtë zhvillim të fundit lidhur me Butrintin. /sarandacity.al/
