Është nënshkruar në Tiranë ajo që pritet të ndodhë më Butrintit në të ardhmen e afërt, lidhur me menaxhmin e këtij Parku, më i vizitueshmi dhe më i rëndësishmi në Shqipëri.
Më saktë, Butrinti do merret nga amerikanët, siç u paralajmërua kohë më parë. Do jetë Fondi Amerikan i Zhvillimit ai i cili do udhëheqë me vizionin e tij administrative Parkun Arkelogjik në jug të Shqipërisë.
Sipas asaj çfarë shkruan ministrja e linjës Eva Margariti, “Marrëveshja e Administrimit të pasurive kulturore të Butrintit, firmosur nga Fondacioni i Menaxhinit të Butrintit dhe Ministrisë së Kulturës krijon një model menaxhimi hibrid #jofitimprurës, ku shteti është pjesë, por i jep zë dhe garanci edhe donatorit për administrimin e fondeve; i hap rrugë donatorëve të tjerë potencialë që t’i bashkohen procesit në vazhdim duke i garantuar Fondacionit autonomi në vendimmarrje, brenda rregullave të caktuara me ligj, duke bazuar në një plan biznesi të detajuar.
Po ashtu, garanton investime të rëndësishme në infrastrukturë 3 vitet e para, me krijimin e një qendre bashkëkohore për pritjen e vizitorëve, si dhe shërbime të integruara; do të menaxhojë fluksin e vizitorëve që ne mendojmë se do të jetë shumë më i madh se sot, përmes shërbimeve #digjitale (audio-guida, ture virtuale, etj.) e stacioneve të qëndrimit.
Një hap tepër i rëndësishëm është krijimi i Qendrës Kërkimore-#Butrint Research Group, i cili do kryejë studime të fushave të ndryshme në të mirë të Parkut Kombëtar të Butrintit dhe përfshin aktorë të tjerë institucionalë nga Turizmi, Mjedisi, Instituti Arkeologjisë, infrastruktura”.
Megjithatë, ky zhvillim nuk ka gjetur dakortësi të zëra shumë afër Butrintit, ndër më i rëndësishmi ish-Drejtori Auron Tare, të cilit dhe i dedikohet suksesi i deritanishëm i Parkut në aspekt promovimi, vizitueshmërie dhe të ardhurash.
Ndër të tjera, për Taren, Shqipëria ka potencialet e mjaftueshme dhe të afta për ta menaxhuar vetë dhe shumë më mirë. /sarandacity.al/
