Një person çau një postobllok policor në hyrje të Sarandës, saktësisht te Rrapi, ngjashëm me një skenar filmash, pasi detyroi blutë që të nxjerrin armët e të qëllojnë ndaj tij në ikje e sipër.
Kjo ka bërë që automjeti rebel të përplasë efektivin me inicialet R. Ç., i cili raportohet se po merr ndihmën e nevojshme mjekësore dhe ndodhet jashtë rrezikut për jetë.
Pati dhe një ndjekje policore si pasojë, por rezultat të shpejtë, pra kapje të menjëherëshme të autorit, nuk ka patur.
Vijojnë kontrollet e imtësishme në qytet e më tej për të kapur njeriun që prishi rutinën e bluve të Sarandës. /sarandacity.al/
