Në Delvinë, nga qytetarë të ndryshëm aty, po përjetohet me dhimbje jetëhumbja e 22-vjeçares Evgjeni Baxho, e cila thuhet se ka ndërruar jetë aksidentalisht në rrethana shtëpie, ngjarje kjo e ndodhur në Tiranë, ku ajo banonte.
Kryebashkiakja Majlinda Qilimi, e cilëson si një mynxyrë të ndodhur në lagjen e saj.
“Në lagjen ku u rrita një tjetër mynxyrë!!!
Në qytetin tim një dhimbje më shumë!!!
Nje ëndërr e prerë në mes, një lamtumirë e pathënë dhe e padëshiruar kurrë!
Ç’të them e ç’të shkruaj, fjalët kanë shterruar.
Ndaj dhimbjen me familjarët e së ndjerës Evgjeni Baxho dhe i lutem zotit t’u jape forcë e kurajë për ta përballuar largimin e Saj drejt një rruge pa kthim.
Zoti sërish zgjodhi një ëngjell si për të pasuruar parajsën me shpirtra te bukur e të dlirë !
Lamtumirë Evi !
U prehsh ne paqe e lëndina të qoftë e lehtë!”, shkruan ajo.
Edhe Hari Imeri, i riu qe drejton opozitën në qytet, shprehet me dhimbje për atë që e konsideron si humbjen e një vlere për Delvinën.
“Mes dhimbjes së papërshkrueshme familja Baxho po përjeton ndarjen nga jeta të vajzës së tyre 22-vjeçare Evgjeni Baxho.
Delvina humbi një vajzë jo vetëm të re në moshë por edhe të dashur për shoqërinë, të kulturuar për bashkëqytetarët dhe të mirëarsimuar.
Me lutjen drejtuar Zotit për lehtësim në dhimbjen e tyre të madhe, dëshiroj ti shpreh ngushëllimet më të sinqerta familjarëve dhe të afërmve të vajzës të urtë Evgjeni Baxho”, shprehet kreu i PD-së lokale. /sarandacity.al/
