Denaj fton fermerët e zonës: Aplikoni për mbështetje, ku dhe për çfarë

Deputetja Denaj postoi ofertën në emër të qeverisë që përfëqëson, për të gjitha ata fermerë që synojnë të marrin mbështetje nga shteti.

“Është çelur Programi Kombëtar për Mbështetjen e Bujqësisë.

Ftoj të gjithë fermerët e zonës së Sarandës, Delvinës, Finiqit dhe Konispolit të aplikojnë deri më 25.03.2022 për të përfituar nga mbështetja që ofrohet.

Masat e mbështetjes dhe mënyra e aplikimit gjendet në linkun: http://www.azhbr.gov.al/…/Njoftim-Thirrje-per-Aplikime…

Më vonë, në një tjetër postim, znj. Denaj qe më detajiste se për ç’është fjala.

“Mbështetja për bujqësinë vjen përmes skemave të subvencionimit, kryesisht në:

-Sera

-Blegtori

-Peshkim

-Bletari

-Bimë Mjekësore Aromatike

-Tregje të produkteve bujqësore dhe kafshëve të gjalla

-Inovacion dhe digjitalizim në bujqësi

-Naftë për bujqësinë

Për fermerët e serave subvencionet do të jenë në formën e pagesave direkte që nisin nga 200,000 lekë/ha për 2 sezone të mbjellash për kultivimin e perimeve, rrushit të tavolinës dhe luleshtrydheve.

Për herë të këtë vit do të aplikohet edhe skema me subvencione për sektorin e peshkimit. Për rinovimin e anijes të peshkimit do të rimbursohet nga shteti 50% e totalit të investimit por jo më shumë se 20 mln lekë.

Për rinovimin infrastrukturës së anijes së peshkimit. Masa e përfitimit të jetë në 50% të vlerës totale të faturave tatimore të blerjes, por jo më shumë se 7,250, 000 lekë”. /sarandacity.al/