Në kulturë nuk ka politikë. Dhe kjo është mishëruar në faktin se nga ministria përkatëse, ajo e Kulturës, në Çmimet Kombëtare të Letërsisë 2020, një i tillë i është dhënë Flutura Açkës, shndërruar së fundi në personazh politik, si dhe e njohur për qëndrimet e saj anti-qeveri edhe kur qe vetëm me statusin e një figure publike nga fusha e letrave.
Ajo morri çmimi për “Veprën më të mirë në prozë”, të cilin ia kushton të birit të saj që ndërroi jetë pak vite më parë nga një sëmundje.
Kësaj iu gëzua dhe basha, i cili shkroi: “Vepra ‘Biri’ e Flutura Açkës, mori sot ‘Çmimin e Madh të Prozës’, një lajm që më gëzon edhe pse e di fort mirë që Flutura nuk shkruan për çmime, aq më pak këtë libër ku shkronjat rrjedhin si lotët e nënës.
Një libër plot dhimbje dhe emocione, por edhe i mbushur me dashuri për jetën; dhe ne që e njohim Fluturën, e gjejmë të madhe tek ajo dhe na frymëzon me fjalët që kanë forcën të na ndryshojnë.
Jam krenar që Flutura është sot pjesë e familjes sonë dhe si deputete lufton për të bërë realitet ëndrrën e pakryer të birit të saj, të Shqipërisë si Europa”.
Ngjashëm ndodhi dhe një vit më parë, ku i njëjti çmim iu dha gazetarin Enkel Demi, gjithashtu ndër më kritikët me qeverinë, për romanin “Ora e ligë”. /sarandacity.al/
