Një status i fundit i deputetes Zhupa: kë mund të ekzekutojë Edi Rama?

Deputetja e Sarandës, njëherësh zëdhënëse e PD-së, Ina Zhupa, në një status të fundit sjell në kujtesë ekzekutimin nga komunistët në 51-shin të një figure femërore të njohur të kohës, Sabiha Kasimati.

“Në mesnatën e 26-27 Shkurtit 1951 u ekzekutuan pa gjyq nga diktatura komuniste, 22 intelektual(duhet shtuar një ë në fund – intelektualë, pasi është fjala për numrin shumës. Shën.Red)! 

Ndër ta edhe Sabiha Kasimati(duhet një presje , këtu. Shën.Red) shkencëtarja e parë shqiptare!

Dhe, pasi rendit listën e të ekzekutuarve, e mbyll me:

“I kujtojmë për ti(duhet apostrof ‘ mes t dhe i – t’i. Shën.Red) nderuar!

I kujtojmë për mos harruar asnjë nga krimet e diktaturës!

I kujtojmë për të punuar çdo ditë që Shqipëria mos kthehet dot mbrapsh(duhet një t në fund të fjalës. Shën.Red)!

Demokracitë mbrohen çdo ditë!”, shkruan znj. Zhupa.

Përkthimi politik i gjithë kësaj tirade është se dhe Edi Rama mund të ekzekutojë ndonjë grua apo burrë për bindje politike sot, ndoshta dhe nga radhët e PD-së, të shkencës si e ndjera Sabiha apo të ndonjë fushe tjetër.

Në fakt, Rama me një barrë mëkatesh qeverisëse, së paku kurrë nuk i është atribuuar ndonjë vrasje. E kundërta: nga kahja e znj. Zhupa, pos Berishës për disa, edhe Basha, zgjedhja e saj politike, ka barrën e një vrasjeje të katërfishtë, si ajo e 21 janarit 2011, së cilës vijon t’i shmanget në mbajtjen e një qëndrimi apo dhënien e një shpjegimi sa i përket pozicionit të tij individual në atë zhvillim tragjik.

Tjetra: statusi i znj. Zhupa është pjesë e përdorimit të një narrative me gogol komunist, krejtësisht jashtë kohe e konteksti, lokal jo e jo, por më rëndësishmja global. Sepse ato ekzekutime i përkasin një epoke ku komunizmi, si fuqi idelogjike në rendin botëror të pasluftës, ishte dhe kontekst global veçse lokal.

Komunizmi sot nuk është fare pjesë e debatit botëror politik, ideologjik apo gjeopolitik. Ekziston vetëm në një pikë të globit, te PD-ja.

Ndryshe, është tregues i boshësisë politike, pra krize te mendimit politik.

Në terma pragmatikë, është e vërtetuar në 30 vjet që nuk sjellë vota. /sarandacity.al/