Prej ditësh është hapur një front i pritshëm zgjerimi rruge në aksin Shijan-Gajdar, por pa asnjë tabele referuese, nga ato që ofrojnë detaje financimi apo afatesh.
Makineri të rënda janë stacionuar në segmentin Pulari-Qafë e
Gjinos, ndërkohë dhe zgjerimet e para janë pikërisht në këtë segment, ku diku është “kafshuar” dhe një parcelë private me mandarina.
Zgjerimi i kësaj rruge është vijim logjik i nisjes së pritshme të qarkullimit në rrugën e re Kardhiq-Delvinë, ku pas mbërritjes në Shijan, automjetet të mos kalojnë në sistemin hinkë, pra nga një rrugë e gjerë në një rrugë të ngushtë.
Për këtë arsye, zgjerimi i rrugës ekzistuese pritet të ketë dhe zbutje të disa kthesave, si ato nga Shijani deri te Pularia.
Po ashtu, do ketë dhe një ulje lartësie në Qafën e Gjinos me afro 10 metra.
Sa për afatet e përfundimit, flitet se do jenë ato në përputhje me hapjen e rrugës së re, e cila llogaritet të ndodhë nga maji, me nisjen pra të sezonit të ri turistik. /sarandacity.al/
