Detaje të së “dielës pa makina” në Sarandë

Edhe Saranda do ketë një “ditë pa makina”.

Kështu njofton qytetari i parë i saj, duke dhënë detaje nga kjo ditë.

“Bashkia Sarandë me qëllim ndërgjegjësimin e qytetarëve për mbrojtjen e mjedisit, ditën e dielë, më datë 3 prill, i bashkohet nismës ‘Dita pa makina’.

Në bashkëpunim me Policinë e Shtetit dhe Policinë Bashkiake janë marrë masat e nevojshme për të kufizuar qarkullimin e mjeteve private në disa akse rrugore, përveç emergjencave.

Ditën e dielë, më 3 prill dhe çdo të dielë të parë të muajit në vijim, nga ora 9.00 deri në 18:00, ndalohet qarkullimi i mjeteve private në akset:

Nga kryqëzimi i rrugës “Abedin Dino” me rrugën “Adem Sheme” deri në kryqëzimine rrugës “Skënderbeu” me rrugën “Onhezmi”.

Rruga e “Flamurit”.

Nga kryqëzimi i rrugës “Vangjel Pandi” me rrugën “Onhezmi” deri në sheshin”Miqësia”, shkruan Gurma. /sarandacity.al/