1st Move International, me qendër në Britaninë e Madhe, kreu një anketë se ku njerëzit do të donin të lëviznin. Një vend u dallua menjëherë për nga popullariteti: vendi më popullor për t’u zhvendosur është Kanadaja.
“Në vendin e parë të vendeve të dëshiruara është Kanadaja me pak më shumë se 1.5 milionë pyetje kërkimi në Google”, shkruhet nga organizuesit e anketës. Një shpjegim i mundshëm për këtë është diversiteti i vendit dhe cilësia e lartë e jetës atje. “Përveç një sistemi shëndetësor dhe arsimor të financuar nga qeveria, Kanadaja ka një natyrë jashtëzakonisht të bukur“, vazhdojnë ekspertët. Por çfarë, nga ana tjetër, flet kundër emigracionit atje: kostoja mjaft e lartë e jetesës, veçanërisht në qytete.
Vendin e dytë në renditje e zë Australia. Më shumë se 1.3 milion njerëz kërkuan në Google këtë vend së bashku me termat e kërkimit mbi temën e emigracionit.
Sipas 1st Move International, standardi i jetesës atje e bën Australinë një vend të shkëlqyer për të jetuar, veçanërisht për familjet, “të karakterizuara nga arsimi dhe kujdesi shëndetësor me cilësi të lartë”.
Zelanda e Re është në vendin e tretë. Vendi, i cili është rreth tre orë fluturim nga Australia (dhe, rastësisht, pak më i lirë), shquhet për ekuilibrin e tij të jashtëzakonshëm punë-jetë, si dhe “një sërë peizazhesh epike”.
Sidoqoftë, përpara se të emigroni, ndoshta duhet të keni parasysh motin e ndryshueshëm në Zelandën e Re.
10 vendet më të njohura për emigracion:
Vendi i parë: Kanada (1,526,780 kërkime në Google)
Vendi i dytë: Australia (1,360,700)
Vendi i tretë: Zelanda e Re (1,159,700)
Vendi i 4-të: Spanja (1,154,700)
Vendi i 5-të: Britania e Madhe (1,116,700)
Vendi i 6-të: Portugalia (843,000)
Vendi i 7-të: Japonia (804,800)
Vendi i 8-të: Gjermania (761,200)
Vendi i 9-të: Franca (757,100)
Vendi i 10-të: Zvicra (703,500)
Ndërkohë duhet ditur se kërkimet më të shpeshta në Google kanë ardhur nga Suedia, Holanda dhe Gjermania. Pra jo nga vende me prirje emrigrimi, siç është fjala vjen Ballkani. /sarandacity.al/
