Dimri i mezipritshëm: bora zbardh Llogaranë

Siç ishte parashikuar, dëbora ka mbuluar një pjesë të territorit shqiptar, ku përfshihet dhe Llogaraja.

Nga Autoriteti Rrugor Shqiptar thuhet se të gjitha akset rrugore janë të kalueshme pa problem, pasi kontraktorët për mirëmbajtjen e akseve rrugore kanë punuar gjatë gjithë natës me mjete borëpastruese.

“Akset rrugore nacionale janë të hapura dhe qarkullimi kryhet pa problem. Drejtuesit e mjeteve të bëjnë kujdes në lëvizje dhe të respektojnë sinjalistikën rrugore të reduktojnë shpejtësinë, të pajisen me zinxhirë dhe goma dimërore të ndjekin udhëzimet e Policisë Rrugore”, apeloi ARRSH-ja.

Ky ndryshim drastik moti vjen pas nëj vjeshte në ngrohtë, e favorshme dhe për plazh. /sarandacity.al/