Jep dorëheqjen avokati i priftit grek 37-vjeçar që akuzohet për përdhunimin e një të miture 14-vjeçare shqiptare, akt i ndodhur pikërisht në kishë.
“Kam pasur sigurinë nga prifti se nuk ka patur asnjë takim seksual me të mituren 14-vjeçare, por më ka fshehur informacione, e tani po dalin akuza të rënda ndaj tij”, tha Andreas Theodoropoulos.
Më tej ai tha në deklatratë: “Për shkak se të dhënat e janë në kundërshtim me bindjet e mia, moralin e mirë dhe drejtimin tim ligjor mbrojtës, deklaroj me guxim se jap dorëheqjen nga çështja dhe mohoj urdhrin që kam marrë nga vetë i akuzuari, duke theksuar të vërtetën që më drejton mua si avokat, pasi kam pasur sigurinë nga vetë prifti se nuk ka asnjë lidhje dashurie me 14-vjeçaren”.
Por jo vetëm kaq. Është dhe një grua e cila së fundi akuzon priftin për ngacmim seksual. Ajo përshkroi përvojën e saj me priftin. “Ai filloi të më bënte disa pyetje për jetën time seksuale, si për shembull çfarë qëndrimi më pëlqen, nëse burri im është i kënaqur, nëse dua të provoj diçka ndryshe sepse jemi në shtëpinë e Zotit dhe duhet të jemi të zhveshur”, tha gruaja.
“Më tha që të respektoja rregullat dhe t’i nënshtrohesha, përndryshe nuk mund të bëhesha fëmija i tij shpirtëror”, shtoi ajo për TV Star. /sarandacity.al/
