Drejtori i Policisë së Shtetit Gledis Nano, ofroi një tregues gati të pabesueshëm lidhur në trafikun e drogës, teksa deklaroi se “gjatë këtij viti krahasuar me një vit më parë kemi një rënie të trafikimit të lëndëve narkotike me 100%, ku rezulton se kemi 0 kg të trafikuar në 2021”.
Sipas tij, tashmë në shënjestër do jenë ata që sjellin fara kanabisi në vend.
“Për 2022, puna ka filluar që sot, për identifikimin e atyre që sjellin fara kanabisi në vendin tonë. Kemi bazën e hartës dixhitale do kontrollohen aktivitetet e mbyllura dhe të hapura”, tha Nano në një konferencë të përbashkët homologë nga Italia.
Më herët, ministri Çuçi tha se “dy indikatorë domethënës dëshmojnë efikasitetin e punës sonë të përbashkët në këtë luftë: shumëfishimi i çmimit të kanabisit dhe fakti që gjatë vitit 2021 nuk është evidentuar asnjë tentativë e trafikimit me mjete lundruese”.
Në një pikëpamje, kjo është një betejë mes shifrave dhe perceptimit. Ky i fundit tashmë përcaktohet nga furia e trajtimit mediatik. Që do të thotë se droga ka qenë në çdo kohë, por lajmet mbi të nuk kanë patur intensitetin e sotshëm.
Pra, me shifra mund të jetë kultivuar apo trafikur shumë më tepër në të kaluarën, të afërt apo të largët, por trajtimi mediatik s’ka qenë ky i sotmi. /sarandacity.al/
