Dule për Finiqin, Dropullin dhe Himarën: i humbi me PS-në, shpreson t’i fitojë me PD-në

Vangjel Dule, kreu i PBDNJ-së, me kuotat politike më të ulëta ndonjëherë vitet e fundit, gati i ç’faktorizuar plotësisht, shpreson se në Lokalet e majit mund të fitojë bashkitë minoritare, mes tyre dhe Finiqin, si dhe Himarën me popullsi grekofone por jo bashki minoritare siç Dropulli apo Finiqi.

“Do dalim me kandidatë tanë në Bashkinë e Finiqit, Dropull dhe Himarë. Tradicionalisht, jemi forcë e parë nëpërmjet forcave opozitare dhe për rrjedhojë logjika është që të kemi mbështetjen e të gjitha forcave të tjera politike dhe këtu nuk mund të bësh dallimin. Kemi marrë kontakte me Dashamir Shehin, Agron Duka, Fatmir Mediun si edhe Nard Ndoka, jemi duke koordinuar dhe besoj se do kemi një qëndrim të unifikuar në kuadrin e opozitës në masën më të madhe të mundshme të unifikuar”, tha Dule në  jë emision televiziv, duke renditur pra si faktor ndihmës forca nga e djathta që dhe ato nuk janë fare faktor.

Kujtojmë se Dule prishi aleancën historike me PS-në në mospajtim me reformën territoriale, si dhe pas një qëndrim pro çam të Ramës në nisje të mandatit të parë. Por që ahere nisi dhe ç’faktorizimi i tij, derisa edhe për të qenë vetë deputet iu desh të kandidonte në listën e PD-së, së cilës i bashkua pas ndarjes me Ramën, duke u bërë njëherësh kundërshtar i flaktë i tij.

Dy bashkitë minoritare, Dropulli dhe Finiqi, drejtohen sigurisht nga kryebashkiakë minoritarë, por të zgjedhur nën siglën e PS-së. /sarandacity.al/