Në vazhdën e dekorimeve të shumta nga ana e presidentit Meta, të para dhe në kontekst të fushatës, ato kanë vijuar dhe pas përfundimit të zgjedhjeve.
Dhe në më të fundit dekorime, ka qenë dhe ai i Dr. Agim Nelajt, qytetarit të njohur sarandiot edhe me prestigj tej kufijve të Shqipërinë në fushën e vet, atë të veterinarisë, i cili është emëruar si “Mjeshtër i Madh”.
Me këtë rast, Dr. Nelaj shkruan:
“Sot jam veterineri më i vjetër në Shqipëri që vazhdoj ta ushtroj këtë profesion të nderuar. Ndihem i privilegjuar për vlerësimin. Këtë i’a dedikoj plejadës së shkëlqyer të mjekësisë veterinare shqiptare, atyre që kanë një vend nderi në panteonin e shkencës”.
Por cili ka qenë veterieri i parë shqiptar? Kjo zbulohet më tej nga ajo çfarë shkruan Dr. Nelaj.
“Më duhej të krijoja arshivën e veterinarisë që nga viti 1900, që zë fill me veterinerin e parë Mehmet Aqif Ersoj (edhe poet, turk me origjinë shqiptare). Studiova dhe botova për herë te parë Etikën Profesionale Veterinare dhe Betimin e mjekut veteriner”, shkruan ndër te tjera doktori i njohur veterinar sarandiot. /sarandacity.al/
