Dy turistë u gjetën të vdekur disa orë larg njëri-tjetrit në Mallorca, njoftuan të premten autoritetet spanjolle. Viktimat janë një britanik 34-vjeçar dhe një holandez 31-vjeçar, sipas mediave lokale, duke cituar policinë spanjolle.
Aksidentet janë shkaktuar nga pakujdesia e viktimave, nënvizon gazeta Diario de Mallorca. Dëshmitarët okularë i filmuan dhe pamjet panë dritën e diellit përmes internetit.
Aksidenti i parë ka ndodhur mëngjesin e së enjtes në resortin turistik Magaluf. Një video tregon një burrë duke ecejakur jashtë ballkonit në katin e shtatë të një hoteli përpara se të bjerë në tikë. Policia tha se viktima ka qenë me shumë gjasa nën ndikimin e alkoolit ose drogës. Dy femra, të cilat ndodheshin në dhomën e britanikut fatkeq përpara ngjarjes tragjike, i kanë thënë policisë se ai “sillej çuditshëm”.
⚠️Aviso, imágenes sensibles⚠️
Muere un turista británico en Magaluf, #Mallorca, al caerse desde un balcón mientras intentaba acceder a otro piso, probablemente bajo los efectos del alcohol.
Empieza la temporada de #TurismoDeBorrachera pic.twitter.com/YWizUX2Lt4
— Iñaki Aldaz ®️POLICIA (@IAldaz_Police) May 13, 2022
Disa orë më vonë, një turist holandez u hodh nga një lartësi e madhe shkëmbore në Santa Ponza, afro 25 metra. Por mosllogaritja e saj e trajektores së hedhjes bëri që të trupi i tij të prekë në shkëmb para se të bjerë në ujë. E gjitha kjo skenë u filmua nga partnerja e tij, e cila ishte në një varkë me djalin e tyre, sipas mediave spanjolle.
Que manera de joderse la vida…
Un turista holandés muere al saltar de un acantilado en las islas Malgrats mientras su novia grababa la hazaña 🤦🏻♂️#malgrats pic.twitter.com/s6qA1q87ix
— Juan Diego Medina (@Juanilloky) May 13, 2022
Zhytësit pas një kohe të gjatë arritën të lokalizojnë trupin e pajetë të holandezit. Ai nuk thuhet se ka vdekur nga përplasja në shkëmbinj, por me siguri ka humbur ndjenjat dhe është mbytur.
Ka shumë turistë, kryesisht burra, të cilët kanë vdekur në Mallorca duke marrë pjesë në aktivitete të rrezikshme, të tilla si kërcimi nga një ballkoni në pishinë.
Sipas gazetës gjermane Mallorca Zeitung, fushatat për të parandaluar incidente të tilla dhe për të vendosur gjoba nuk kanë pasur efektin e dëshiruar. /tesheshi.com/
