Armela Krasniqi, ish-zëdhënëse e Ramës në vitet e parë të qeverisjes së këtij të fundit, u zgjodh kryetare e re e AMA-s (Autoritetit të Mediave Audiovizive) Ajo u votua me 83 vota pro nga parlamenti.
Armela Krasniqi e merr këtë post të lartë pas një karriere të gjatë gazetareske, ku së fundi drejtoi dhe ATSH-në.
Por opozita është shprehur kundër. Më saktë Basha, duke iu referuar një kërkese të BE-së dhe OSBE-së për shtyerjen e votimit për në shtator.
“‘E ka fajin Europa’ llomotit poshtë e lart, për të fshehur dështimin e tij dhe pengimin e Shqipërisë.
Por sapo i jepet një shans për të vepruar në shërbim të interesave të vendit, sikurse kërkuan BE dhe OSBE, zgjedh të bëjë të kundërtën, duke hedhur poshtë thirrjen e partnerëve për të shtyrë në shtator votimin për AMA.
Kjo nuk është forcë, po harbutëri në dëm të të gjithë shqiptarëve dhe të Shqipërisë”, shkruan Basha.
Por nga ana tjetër, ky i fundit është i afërm familjar me të zgjedhurën e re Krasniqi. Krasniqi është famija kosovare ku Basha është nip e Armela nuse.
Më saktë, Armela Krasniqi është bashkëshortja e djalit të dajës së Bashës, Sokol Krasniqi. /sarandacity.al/
