Kandidatja për deputete e Qarkut Vlorë, posaçërisht për zonën e Sarandës, ministrja e ekonomisë dhe financave Anila Denaj, po vijon vetëprezantimin e saj me grupe të ndryshme interesi.
Një ditë më parë, ajo pati një bashkëbisedim me njerëz të fushës së informimit në Sarandë, ku ndau me ta vizionin e saj politik, si dhe dëgjoi nga ana tjetër sensitetet e personave me profil mediatik mbi aktualitetin apo të ardhmen e zonës.
Denaj tha se e gjendur në një eksperiencë të re, hera e parë si kandidate për deputete, po njihej dita-ditës me zonën, problematikat, njerëzit e saj dhe grupet e interesit.
Kujtojmë: znj. Denaj është nga Vlora, më saktë nga zona e Kuçit, mbi të cilën ka rënë barra e rëndë e menaxhimit ekonomik e financiar të krizës COVID.
Ajo vjen si fytyrë e re në qeverisjen e mazhorancës, e rrjedhimisht si e tillë dhe në PS.
Në një farë mënyre, si kandidate në Sarandë ajo zëvëndëson Alket Hysenin. /sarandacity.al/
