E (pa)besueshme: Elsa Lila në pranga

E kujt ia priste mendja: Elsa Lila, këngëtarja e njohur shqiptare, rezulton të ketë ushtruar detyrën e financieres së një bande trafiku droge, goditur së fundi në Itali.

Së paku për këtë dyshohet pas arrestimit që i është bërë nga policia italiane, në një operacion mëngjesin e kësaj dite.

Emri tjetër i njohur, edhe ai i arreastuar, është Petrit Bardhi, boksier.

Sipas mediave italiane, gjatë orëve të para të mëngjesit, hetuesit e skuadrës së lëvizshme të Romës dhe Viterbos zbatuan 13 urdhra paraburgimi të kërkuara nga Drejtoria e Rrethit Antimafia të Romës dhe të lëshuara nga gjyqtari hetues i prokurorisë së Romës.

Mes 13 të dyshuarve është edhe emri i këngëtares së njohur shqiptare, Elsa Lila, 40 vjeçe, e cila mbante llogaritë e trafikut. I përfshirë është edhe boksieri Petrit Bardhi, i njohur si “Titty”.

Elsa Lila u shfaq në skenën e festivaleve të këngës në vitin 1996, duke fituar rresht dy të tilla. Një vajzë e brishtë, bijë e një nëne qe do vritej mistershëm në aksin Tiranë-Elbasan ato vite të trazuara, ajo befesaoi më zërin e saj dhe mënyrën e të interpretuarit.

Me kompozime të Valentin Veizajt e tekste të të ndjerin Alqi Boshnjaku, ajo do sillte stilin e këngëve kishtare në muzikën e lehtë shqiptare.

Më pas, si jeta e si karriera e saj do vijonte në Itali, duke prekur dhe Sanremon. Por në festivalet shqiptare, veç si prezantuese pak vite më parë, nuk do ishte e pranishme.

Kujtojmë se para saj, nën arreste për drogë në Itali kanë qenë dhe i ndjeri Koço Devole dhe këngëtarja Liljana Konakçi. Por në dy rastet nuk u provua dyshimi se këta emra ishin përfshirë në trafiqe, duke u konsideruar arrestime aksidentale. /sarandacity.al/