Fatos Nano, ish-kryeministër dhe për herë të fundit në politikë si deputet i Sarandës, është parë në një karrocë me rrota duke u shoqëruar për në spital, pas rëndimit të gjendjes shëndetësore, ende pa u ditur publikusht se për çfarë arsye.
Ai ka qenë i shoqëruar në këtë moment të sikletshëm, si për shëndetin e si për autoritetin e tij publik, nga bashkëshortja Xhoana Nano.
Ndodh kjo ndërsa emri i tij është përfolur së fundit si një kandidaturë e mundshme për të pasuar Ilir Metën si president, pas shkarkimit të pritshëm të këtij të fundit.
Kohët e fundit, Nano u riaktivizua me deklarime të nxehta politike, duke u pozicionuar krah Ramës e kundër dyshes Berisha – Meta.
Por nga pikëpamja e gjendjes fizike nuk ka dhënë asnjë shenjë të ndonjë problemi me shëndetin.
Kujtojmë se gjatë kohës të të qënit kryeministër, në fillim të viteve 2000 e më pas, ai pati një aksident në Tepelenë duke drejtuar vetë Mercedezin e tij kryeministror. Nga kjo pati një dëmtim në gishta, duke iu nënshtruar dhe operacionit. /sarandacity.al/
