Një arrestim i pazakontë ka ndodhur në Sarandë, ai një shtetasje amerikane. Kjo për faktin se ajo posedonte drogë e armë, ndonëse të ftohta,
Komunikata policore thotë se “Nga Komisariati i Policisë Sarandë, në bashkëpunim me Departamentin e Policisë Kriminale dhe Njësinë Speciale Policore ‘Joint Shield’, si dhe me Shërbimin Diplomatik të Sigurisë/Zyra e Hetimeve Kriminale (DSS/OCI e Ambasadës Amerikane në Shqipëri), u bë arrestimi në flagrancë i shtetases K. G., 44 vjeçe, lindur në SHBA, banuese prej 3 vitesh në qytetin e Sarandës.
Arrestimi i kësaj shtetaseje u bë pasi gjatë kontrollit të ushtruar në banesë iu gjetën dhe iu sekuestruan në cilësinë e provës materiale një sasi lënde narkotike ekstazi dhe një armë e ftohtë (thikë).
Materialet i kaluan Prokurorisë pranë Gjykatës së Shkallës së Parë Sarandë, për veprat penale ‘Prodhimi dhe shitja e narkotikëve’ dhe ‘Mbajtja pa leje e armëve të ftohta’”.
Pra, shtetasja amerikane jetonte prej tre vitesh në Sarandë, duke qenë ndër të shumtët e huaj që janë shndërruar në rezidentë të rregullt të qytetit. /sarandacity.al/
