E radhës nga fenomeni Kokëdhima: për ç’debaton me pushuesit në Porto Palermo

Jo thjesht personi por fenomeni Mihal Kokëdhima është shfaqur sërish me atë që u njoh në publik si biznesmen turizmi: përplasjen me pushuesit.

Sipas disa pamjeve, ai ka debatuar me disa të tillë, pasi ata kanë qëndruar në çadrat që ai kishte vënë në plazhin e Porto Palermos.

Kokëdhima ka debatuar duke pretenduar se shazlonget i janë marrë pa e pyetur. Ata ato i ofrohen që t’i japin lekët, pasi shprehen se nuk e dinin, por ai nuk ka pranuar.

Ja dialogu mes tyre:

Kokëdhima: Ke bërë shumë faj o shpirt.

Turisti: Do të të japim lekët.

Kokëdhima: Po s’dua mo të më japësh lekë, se po të japësh lekët do shkosh në polici dhe do thuash Mihali më mori lekët.

Turisti: Ne erdhëm si njerëzit, ju silleni në mënyrë harbute.

Kokëdhima: Ju keni marrë mallin tim pa pyetur.

Turisti: Dy shezlonge kemi marr, vër letër është plazh privat.

Kokëdhima: Është publik more, po ky shezlong është i imi.

Kujtojmë se në këtë kohë në 2019, Mihal Kokëdhima u arrestua pasi sulmoi dhe rrezikoi jetën e një grupi turistësh spanjollë, duke iu hedhur mbi kofanon e makinës që ata kishin marrë me qira, me pretendimin se ata kishin porositur ushqim në restorantin e tij e më pas qenë larguar. /sarandacity.al/