Qarku i Vlorës, si më ndër më të fortët në garën elektorale, ofron dhe një detaj unik: është përballja në Sarandë.
Emrat që opozita ka në përballjen për Sarandën janë tipikisht të rinj për nga mosha; pra Jolie Dine dhe Ina Xhupa. I pari është i njohur vetëm lokalisht për momentin, ndërsa e dyta edhe paksa tejlokalisht, për shkak se ka mbajtur postin e zëdhënëses së PD-së. Janë bash prej atyre për të cilin perceptimi publik shpall nevojën: duhet të vijnë të rinj. Ja ku janë!
Por politika vepron dhe me ca ligje te tjera që jo gjithnjë konvergojë me sentimente apo perceptime publike. Përballë tyre nga mazhoranca janë dy figura jo aq të reja në moshë sa rivalët respektivë por më peshë të madhe, njëra politike e tjetri publike; pra ministrja Denaj dhe Dr. Niko Kuri.
Denaj është koka e financave, një post politik e qeveritar që e aurelon me një imponim të fortë elektoral. Dr. Kuri gjithashtu është ndër ata me një autoritet të padiskutueshëm publik dhe mjaft imponues, për vetë shenjën e një mjeku të përkushtuar që ka lënë kudo gjurmë ndër njerëz. Eshtë vetëm lokalisht i njohur por mjaftueshëm për të thithur vota.
Më pas, ajo i çfarë bashkon të katërt është pastërtia e figurës; askush prej tyre nuk ka njolla në protagonizëm publik. Veçon Denaj, e cila ka barrën të japë llogari atje ku shfaqen pakënaqësi ndaj qeverisjes, por që po ia del me gadishmërinë e treguar që ca gjëra t’i rregullojë me të pasurit e çelësave të pushtetit.
Dine e Zhupa nga ana tjetër kanë vetëm fjalën. E si e tillë, kjo duhet të qe shumë impaktive. Por ata janë “të dënuar” të përcjellin vetëm ligjërimin premtues bazë dhe të kornizuar të forcës së tyre. Çështja është se duhej akoma më tepër, gjithnjë duke marrë parasysh statusin e fortë që kanë rivalët përballë.
Kalojmë të komandantët e tyre elektorale respektivë, Leskaj dhe Gjiknuri.
Edhe këtu ka një diferencë. Bujar Leskaj rikthehet pas shumë vitesh në jetën klasike partiake, ndërkohë që nuk ka patur përvoja të forta elektorale, për të qenë në nivel njohësi të thellë apo mjeshtri të tyre. Nga ana tjetër, Gjiknuri i ka specialitet betejat elektorale. Shënon madje në karrierë edhe rastin e të qënit komandant elektoral në Dibër, një zonë shumë larg psikologjisë së Bregut, përfshirë Vlorën dhe Sarandën.
Por gjithçka do shihet në ditën e finales së madhe, më 25 prill, nëse skuadrat zgjodhën formacionin dhe taktikën e duhur për betejë. /sarandacity.al/
