Edhe për muajin dhjetor nuk do të aplikohet fasha energjetike prej 800 kWh, u kumtua nga qeveria, njëherësh duke vijuar ndërgjegjësimi se duhet kursyer.
Ishte Rama që shkroi fillimisht: “Lajm i mirë. Edhe për muajin dhjetor nuk do të aplikohet fasha energjetike prej 800 kWh”.
Vetëm duke qenë të bashkuar me të vërtetat e kësaj situate ne mund dhe do ta përballojmë edhe këtë sfidë, ku themelor mbetet kursimi. Kursim – Kursim – Kursim”.
Më pas ishte zëvëndësja e tij Balluku që tha “Qytetarët i janë përgjigjur thirrjes për të kursyer energji, dhe pavarësisht se është vendosur një fashë, ajo nuk është përdorur deri më sot.
“Në muajin tetor e kemi mbyllur me 7 përqind kursim, ndërsa nëntor vetëm me 2 përqind në rang vendit. Unë dua të kërkoj të gjithë angazhimin tuaj, që të vazhdojmë dhe të kursejmë sepse do të jetë e vetmja mënyrë për të mos vendosur fashën 800 KW/orë”.
“2 përqind është pak. Kursimi është çelësi i suksesit tonë. Është e domosdoshme të kemi një target kombëtar prej 5% të paktën për kursim”, tha ajo. /sarandacity.al/
