Presidenti Meta ka dhënë shenja të forta të ndryshimit të sjelljes së tij, ku në një deklaratë të fundit nga Korça dha të kuptuar se do e dekretonte pa “asnjë ngecje” qeverinë e re të Ramës.
“Unë jam i detyruar të respektoj Kushtetutën e Republikës së Shqipërisë. Shpresoj që opozita të përmbushë detyrat që parlamenti të jetë funksional”, tha ai, duke tentuar kështu të tregojë urtësi politike.
Për më tepër, ai tha se situata pas zgjedhjeve është më ndryshe.
“Aktualisht pas 25 prillit sidoqoftë janë mundësitë për rivendosjen e plotë të demokracisë dhe parlamentit funksional”, tha njeriu që vijon të mbajë postin e kreut të shtetit në pritje të një vendimi të Kushtetueses, pasi është shkarkuar nga mazhoranca.
Siç mund të nuhatet, nga ajo që po ndodh me Berishën, ardhur si pasojë e vendimmarrjeje të fortë amerikane ndaj tij – shpallja “non grata” – Meta ka vendosur të ndryshojë kurs sjellje. /sarandacity.al/
