Është kompromentuar rëndë testi i drogës nën Policinë e Shtetit, nga i cili kanë rezultuar përdorues dhe tre efektivë nga Saranda.
Deri tani, në Qarkun e Vlorës, ku pra bën pjesë dhe Sarandë, janë testuar 115 efektivë, me numrin total të përdoruesve 15.
Por rastet e disa efektivëve, të cilët madje kanë paralajmëruar se do padisin laboratorin, ka hedhur hije dyshimi me këtë proces, ndodhur për herë të parë, një risi e Drejtorit të ri Gledis Nano.
Ata, pos që kanë afruar argumenta bindëse se s’ka si të jenë përdorues droge edhe për shkak të moshës apo statusit social, kanë përdorur për alibi edhe faktin se nëse do ishin të tillë nuk do bënin test.
Në fakt, kjo vlen për të gjithë procesin. Pra, nëse testi është ashtu siç duhet të jetë, shkencërisht korrekt, asnjë përdorues droge s’do kishte guxuar ta bënte gjërsa do jua bënte publike të fshehtën e vesit të tyre.
Pos kësaj, ky test është paguar nga vetë xhepat e efektivëve, plot 2 mijë lekë(të reja), që do të thotë se bëhet fjalë për një para të madhe në këtë proces. /sarandacity.al/
