Pak ditë pas hapjes së negociatave, Kryenegociatori i Shqipërisë nuk do jetë më Zef Mazi. Gjithashtu, zv/kryeministër nuk do jetë më Arben Ahmetaj.
Dy lëvizjet më të fundit të kryeminstrit Rama sjellin një emër gati të panjohur publik në krye të procesit të negociatave, më saktë hapjes së kapitujve të integrimit, Majlinda Dhuka, e profilit teknik, ndërsa nr.2 i qeverisë i besohet asaj që tashmë po projektohet si faktori i fuqishëm në mazhorancë, Belinda Balluku. Kjo e dyta zëvëndëson Arben Ahmetajn.
Në një aspekt, ngitja e znj. Balluku sa duket i papritshëm është po aq i pritshëm.
Për të dyja këto lëvizje, Rama shkroi:
“Tani që prioriteti i Rindërtimit ia le vendin prioritetit të Negociatave me BE, ndërron profili i ministrit të Shtetit. Majlinda Dhuka, një profil i lartë teknik në vend të profilit të lartë diplomatik të ambasadorit Mazi, bëhet Kryenegociatore& Ministre Shteti pranë kryeministrit.
Energjia si sfida më kolosale e kësaj periudhe dhe infrastruktura si sfidë e pandërprerë kombëtare, janë bërë sot edhe marrëdhënie intensive me qeveri e institucione ndërkombëtare. Koha që roli i zv/kryeministrit të fokusohet në këto fusha. Belinda Balluku bëhet zv/kryeministre.
Falenderoj Arben Ahmetajn për kontributin në misionin tonë të përmbushur me një sukses spektakolar për Rindërtimin.
Falenderoj Zef Mazin për kontributin në arritjen e madhe historike të çeljes së negociatave; dy bashkëpunëtorë të vlefshëm në një rrugë sfidash që vazhdon”, shkruan Rama. /sarandacity.al/
