Kryeministri Rama solli sërish në vëmendje krizën energjetike, duke shfaqur dhe një lloj pesimizmi, edhe për faktin e një thatësire të pazakontë për vetë stinën.
Në fjalën e tij Rama u shpreh se situata po bëhet çdo ditë e më keq dhe sipas tij mund të vij momenti që nuk do të përballohet dot.
“Gjërat janë gjithmonë e më keq. Aq e vërtetë është kjo sa të gjitha vendet po gjenden në një situatë të paparashikueshme me rritje të vazhdueshme të çmimit të energjisë. Problemi themelor nuk është thjesht rritja e kostove dhe e çmimit por është mundësia e mungesës së energjisë që të mos dalësh në treg dhe ta gjesh”.
Sipas Ramës një zgjidhje është që “Bizneset e mëdha të mendojnë të vetë prodhojnë energji”.
Megjithatë ai theksoi se deri më tani nuk do të ketë rritje të çmimit të energjisë.
“Nëse do vijë një moment që s’e mbajmë dot do themi se mbajmë dot dhe do themi arsyet. Por për momentin themi se e mbajmë dhe mbajtja ka kosto të jashtëzakonshme”, theksoi nën dëshpërim i pari i qeverisë. /sarandacity.al/
