Bashkia Delvinë është detyruar që të përcjellë një shqetësim dhe një apel publik në lidhje me atë çfarë ndodh në terrenet e jetës së përditshme, të tipit “hapësirë e përbashkët publike”, si pasojë e një shkujdesjeje deri turpëruese në lidhje me ndotjen e disallojshme.
Mes të tjerash, bien në sy minilëvozhgat e farave, në një qytet ku farat konsumohen si të qe një traditë e trashëguar gastronmike.
“Hapësirat publike janë shtëpia jonë e përbashkët”, nis apelin e saj institucioni bazë i menazhimit të jetës së qytetit, duke vijuar me një paralelizëm sfidues:
“Askush në shtëpinë e vet nuk pështyn në dysheme çamçakizat dhe farat e lulediellit dhe të hedhë bishtat e cigareve.
Askush në oborrin e shtëpisë nuk flak bidonat e ujit, mbeturinat e fastfood-eve, amballazhet e kurasanteve e patatinave etj,etj.
Ashtu si në çdo shtëpi edhe në hapësirat publike, ka kosha të vegjël në vend të tavllave, dhe ato nuk janë kazanë plehrash por kosha për amablazhet që konsumojmë në rrugë apo shesh.
Dhe për të mbajtur pastër këto hapësira punojnë disa gra, që nuk njohin pushim apo ditë feste, shi apo diell, që fillojnë punën herët në agim dhe kthehen përsëri pasdite për të mbledhur ato që hidhen gjatë ditës, dhe këto janë nënat e motrat tona dhe duhet t”i respektojmë si amvisat e shtëpisë”, përfundon shënimi kritik i Bashkisë Delvinë, pasuar nga hashtagët:
#TëMbajmëPastërQytetinTonë
#PastërtiaEshtëKultuaraJonëQytetare. /sarandacity.al/
