Flavio Beshiku është 7-vjeçari sarandiot, i cili që prej lindjes, është “dënuar” me vuajtje shëndetësore nuk kanë të mbaruar.
Endet nga një spital në tjetrin ndërkohë që ky problem shëndetësor ende nuk ka një zgjidhje jeta e tij varet në fije të perit.
Flavio sot, me sytë e tij plot dritë, të një fëmijë që nuk di ç’po bëhet me jetën e tij, kërkon shpresë për jetë.
Sarandacity.al ishte e pranishme në familjen e Flavios. Mamaja e tij Fëllanxa Beshiku, ndërsa tregon me lot në sy vuajtjet me djalin, apelon për ndihmë.
“Ndihmë për djalin tim që dhe ai të shijojë jetën si gjithë të tjerët. Vetëm gurëve të rrugës nuk i jam drejtuar për Flavion tim.
I kam kërkuar ndihmë kryetarit të Bashkisë dhe çdo institucioni që mund të më ndihmojë.
Nuk dyshoj që bashkëqytetarëve të mi të mos u vijë keq për Flavion”, thotë e përlotur ajo.
Flavios, sipas mjekëve i nevojitet transplant i mëlçisë. Ky transplant kushton më shumë se 100 mijë euro.
Kushdo që e ka ndjenjën e bamirësisë dhe ndjen shpirtërisht se edhe ky djalë i vogël duhet të jetojë e të rritet si gjithë shokët e tij, në emër të Olsi Beshikut, babai i Flavios, është hapur edhe një numër llogarie në Raiffeisen Bank, me numrin 0011490482.
Të kontribuojmë për Flavion e vogël. Bamirësia e secilit prej nesh do të bëjë të mundur që edhe Flavio sot 7 vjeç të ketë një jetë me shëndet normal si shumëkush prej nesh. /sarandacity.al/
https://youtu.be/YxpB6WJlGgE
