Në ishullin grek të Rodosit, 30 mijë persona janë evakuuar nga zonat e kërcënuara, ka bërë të ditur përfaqësuesi komunal Teris Hatziioannou, raporton portali lokal i lajmeve Rodiaki.gr.
“Një operacion i madh shpëtimi vazhdon nga zona e Kiotarit dhe Lardos në Rodos. Me ndihmën e rojes bregdetare, forcave të armatosura dhe autoriteteve lokale, të cilët mobilizuan dhjetëra autobusë, më shumë se 30,000 njerëz po evakuohen”, tha Hatziioannou.
Nuk ka të lënduar dhe vizitorët në Rodos janë evakuuar të sigurt nga zonat e prekura nga zjarri, thuhet në njoftimin e Ministrisë së Krizave Klimatike dhe Mbrojtjes Civile në rrjetet sociale.
“Vizitorët janë evakuuar në mënyrë të sigurtë nga zonat e prekura të Rodosit. Nuk ka raportime për të lënduar. Ata po shkojnë në hotele të tjera në ishull”, thuhet në njoftim.
Në një postim tjetër, Ministria për Krizat Klimatike dhe Mbrojtjen Civile thekson se zonat e prekura përfaqësojnë më pak se 10 për qind të infrastrukturës totale turistike të ishullit.
Në Rodos, për të pestën ditë ka shpërthyer një zjarr i fortë pyjor, i cili ka nisur të martën në pjesën qendrore dhe ka arritur deri në bregdetin në pjesën juglindore të ishullit.
Zjarri është ndihmuar nga temperaturat shumë të larta në Greqi.
Athina përballet me fundjavën e saj më të nxehtë të korrikut në 50 vjet me temperaturat që parashikohen të rriten mbi 40 gradë Celsius, ndërsa vendet e tjera të Evropës Jugore si Italia dhe Spanja zhyten në një tjetër valë të nxehti rekord. /sarandacity.al/
630108 813615Id always want to be update on new blog posts on this web web site , bookmarked ! . 491240
748828 484342I will tell your friends to check out this site. .Thanks for the write-up. 219980