Bashkia Finiq informon mbi një proces riparimi urash në zonë, të cilat ishin amortizuar.
Kjo përkon dhe me afrimin e dimrit, ku si pasojë e rreshjeve vështirësohet qarkullimi, apo një mot i egër mund t’i nxjerrë dhe jashtë përdorimi.
“Punimet për riparimin e urës, tip “Beli” në fshatin Roumanxa, një urë që lidh komunitetin e fshatit me rrugët kryesore dhe në fshatin Karoq, u përfunduan me sukses nga ekipi i punëve publike dhe Infrastrukturës Rrugore.
Bashkia Finiq iu përgjigj menjëherë kërkesës së drejtë të komunitetit lokal dhe zbatoi një ndërhyrje radikale të riparimit, me qëllim zgjidhjen e një problemi të kahershëm.
Drejtoria e Shërbimeve Teknike ishte gjithashtu në fshatin Karoq për të riparuar një pjesë të madhe të urës që ishte dëmtuar.
Me këtë projekt, pjesa sipërme prej druri u çmontua dhe një pjesë e re e urës u rindërtua, në mënyrë që rruga që lidh vendbanimin me rrugën kryesore të jetë e arritshme, për t’i shërbyer banorëve të zonës”, thuhet nga bashkia minoritare. /sarandacity.al/
