Bashkia e Finiqit i kushtoi një dedikim ikjes nga jeta të Karolios Papulias, ish-presidenti grek, një personalitet ndër vite i politikës së Athinës, që shërbeu dhe si kryediplomat i saj.
Nga bashkia minoritare veçohet fakti se i ndjeri Papulias ishte ai që më së shumti afroi Greqinë me Shqipëri, ngase dhe fëmijëria e tij ishte e lidhur me elementin etnik shqiptar në fshatin ku u lind.
“Ai i shërbeu parimeve të pajtimit dhe mirëkuptimit.
Ai nuk ngurroi të diskutonte hapur dhe ndershmërisht të gjitha çështjet që lidhen me marrëdhëniet dypalëshe Greqi-Shqipëri, duke vënë theksin te kontributi dhe roli i Minoritetit Etnik Grek,
I përjetshëm qoftë kujtimi për të!”, shkruan Bashkia Finiq. /sarandacity.al/
