Një leksion komuintar vjen nga Finiqi, ku Dita e Mjedisit mobilizion shumëkënd aty në një “pastrim territori”, paçka si ky përcaktor të kujton të dikurshmen komuniste me banorë që në fundjavë angazhoheshin për të “bërë xixë” qendrat e tyre të banimit.
Në Finiq, aty jeta duket gati e vdekur nga mungesa e një popullsie në masë, e kjo prej ikjeve të shumta në Greqi, duke lënë pas vetëm të moshuar, është dhënë në fakt një leksion se jetë ka, se ajo vazhdon, e madje me synime fisnike.
Në një përshkrim zyrtar të Bashkisë minoritare, thuhet se “me rastin e Ditës Botërore të Mjedisit, Bashkia e Finiqit organizoi një fushatë pastrimi me të gjithë punonjësit e qendrës dhe apartamenteve përgjatë shtratit të lumit Bistrica, ku së bashku me nxënësit e shkollës 9-vjecare Finiq, mblodhën më shumë se 30 qese plastike dhe mbetje të tjera të rrezikshme.
Ndërkohë, në rrepet e Karahaxhit, në kuadër të programit gjerman GIZ, u organizua një tryezë bashkëbisedimi nga Agjencia Jon e Mjedisit, Media dhe Agjencia e Informacionit me temën ‘Të përdorim sa më pak plastikë në jetën tonë të përditshme’.
Në këtë tryezë diskutimi, me përvojë në riciklimin, ata u mësuan nxënësve dhe zyrtarëve të bashkisë mënyrat për të mbledhur dhe ricikluar mbetjet plastike, si dhe qasjet moderne për të shmangur plastikën në jetën tonë.
Kryetari i Bashkisë së Finiqit, Kristaq Kiço, i cili mori pjesë personalisht në pastrimin dhe tryezën e diskutimit, theksoi se mbrojtja e mjedisit është një përparësi për qeverinë lokale dhe kjo është arsyeja pse ne investojmë çdo ditë në këtë fushë”. /sarandacity.al/
679665 818844Some times its a pain in the ass to read what weblog owners wrote but this website is actually user pleasant! . 928254