Bashkia e Finiqit synon ta shndërrojë parkun e atyshëm arkeologjik në një Butrint të dytë.
Në këtë kuadër, është hedhur ideja e një muzeu me gjetjet e deritanishme, ku ndër të fundit është statuja e Isidës.
Për këtë, siç raportohet zyrtarisht, kryebashkiaku i atyshëm Kristaq Kiço është takuar e ka biseduar me drejtoreshën e Institutit të Arkeologjisë së Tiranës, Belisa Muka.
“Kryetari i Bashkisë së Finiqit, z. Kristaq Kiço, ftoi në zyrën e tij drejtoreshën e Institutit të Arkeologjisë së Tiranës, znj. Belisa Muka, me qëllim që të informohet për rezultatet e zbulimeve të rëndësishme të fundit.
Sipas zonjës Muka, fushata e fundit nxori në sipërfaqe gjetjet me rëndësi të jashtëzakonshme, ku njëra prej tyre është statuja e Mbretëreshës Isida.
Kryetari i bashkisë z. Kiço, pasi falënderoi znj. Muka për informacionin e diskutuar me mundësinë e bashkëpunimit për të realizuar një plan ambicioz të autoritetit komunal për promovimin e historisë së rëndësishme të këtij qyteti përmes ndërtimit të një muzeu në Finiq ku do të prezantohen gjetjet e misionit arkeologjik që vazhdon gërmimet që nga viti 2000.
Theksojmë se Bashkia e Finiqit tashmë ka përfunduar studimin e një godine muzeale për këtë qëllim dhe po kërkon burime për ta kompletuar dhe vënë në funksion.
Realizimi i këtij plani do të kontribuojë ndjeshëm për tërheqjen e turistëve nga e gjithë bota sepse zona është e pasur në histori, monumente kulture dhe natyrë që rrallë i has diku tjetër”, thuhet zyrtarisht.
Por sfidë në Finiq mbetet zbulimi i shkallareve të teatrit të atyshëm, që thuhet se është në përmasat e atij të Dodonës. Shkallaret e teatrit janë të mbuluara nga shtresa dheu jo aq të lehta për t’u hequr, siç thuhet nga specialistë.
Por vetëm nëse do dilte në dritë ky teatër, pra shkallaret, ahere Finiqi do qe një Butrint nr. 2 që për ndryshim nga ai buzë Vivarit, nuk do qe i zhytur në gjelbërim (kodra e Finiqit është tmerrësisht e thatë), por do qe pikërisht në majë të një kodre, e cila do vërehej që nga larg. /sarandacity.al/
502967 626647need to do very first? Most entrepreneurs are so overwhelmed with their online business plans that 694702
575952 857382Aw, it was a quite great post. In thought I would like to devote writing such as this furthermore,?C spending time and specific work to produce an excellent article?- nonetheless so what can I say?- I waste time alot and never at all appear to obtain 1 thing completed. 157537
991475 210389Hello, Neat post. Theres an problem together together with your web site in web explorer, may possibly check this? IE nonetheless may be the marketplace leader and a huge component to folks will omit your wonderful writing because of this issue. 511565