Kryeministri, Kyriakos Mitsotakis, ka zhvilluar një bisedë telefonike me presidentin turk, Recep Tayyip Erdogan, pas tërmetit vdekjeprurës në Turqi.
Gjatë komunikimit, i pari i qeverisë greke ka shprehur pikëllimin e tij për tërmetin shkatërrues në Turqi, duke i përcolljë Erdoganit mbështetjen dhe ngushëllimet e qeverisë dhe popullit grek për humbjen e jetëve njerëzore.
Kryeministri ritheksoi gatishmërinë e Greqisë për të ndihmuar menjëherë Turqinë në çdo mënyrë – dhe përtej ekipit që tashmë është nisur për në rajon – në trajtimin e pasojave të tërmetit shkatërrues. Zoti Erdogan falenderoi kryeministrin Mitsotakis për mbështetjen dhe ndihmën e menjëhershme, raportojnë mediat e Athinës.
Më konkretisht, një mision grek shpëtimi u nis direkt për në Turqi. Në një mesazh në Twitter, ministri i Mbrojtjes Civile, Christos Stylianides shkroi: “Ne mbështesim në çdo mënyrë përpjekjet për të përballuar pasojat e tërmetit shkatërrues me qëllim shpëtimin e jetëve”.
Kështu, dy fqinjët kanë lënë lënë pas fërkimet mes tyre dhe janë ngritur në nivel fisnikërie njerëzore këto orë dramatike.
Edhe herë të tjera të ngjashme, Turqia dhe Greqia kanë ditur të bëhen bashkë, duke shuar çdo dallim apo fërkim mes tyre, nëse njëra apo tjetra janë përballur me raste tragjike. /sarandacity.al/
