Delvina është ndër qytetet e Jugut me traditë të fortë islame. Medje rikthimi i besimit pas 90-ës në këtë qytet, konsiderohet si më i vrullshmi në shkallë vendi, për shkak se aty u përqafua fort nga
rinia, ajo elitare e qytetit, duke njohur kulme të jetës islame në vitet 2000.
Edhe pse qyteti-xhep nën këmbët e Sopotit ka një rrudhje sociale gjatë viteteve të fundit, jeta fetare vijon e rregullt duke u përqafuar si gjithëherë nga shumë të rinj, edhe gjimnazistë. Kjo madhe thuhet se u vu re dukshëm gjatë Ramazanit të këtij viti, ku veçuan, si gjithnjë, iftaret e çdonatshme, gati një rekord kombëtar në Muajin e Ramazanit, pasi rrallë mund të ndodhë gjetkë.
Edhe aty u krye falja e Fiter Bajramit, udhëhequr nga Myftiu Bledar Ali, qytetar i Delvinës, nga një familje me rrënjë islame.
Falja u krye në sheshin e qytetit, duke iu bashkuar atmosferës së nënshtrimit dhe përgjërimit ndaj Zotit një masë e madhe banorësh apo qytetarësh.
Kjo sepse Islami në Delvinë, një ndër polet e këtij besimi në Jug, ku ndodhet dhe një ndër xhamitë më të famshme nga trashëgimia e hershme islame, ajo e Gjin Aleksit, besimi islam është gati si “bukë me djathë”, pjesë identitare e qytetit. /sarandacity.al/
