Gruaja që do të përfaqësojë Sarandën në legjislaturën e ardhshme parlamentare, ministrja Denaj, ofroi optimizëm, edhe shifror, për atë çfarë e pret Shqipërinë në kuadër të krizës COVID.
“Objektivi ynë vaksinimi i 2.2 milionë qytetarëve shqiptarë. Nevojiten 4.4 milion doza vaksina.
Ky vit ka nisur mbarë, jemi shumë besimplotë që parametrat fiskalë do të jenë pozitiv ashtu si edhe vitin e kaluar. Të ardhurat buxhetore në 3 muaj kanë qenë pozitive”, tha ndër të tjera Denaj në parlament.
Ajo foli në séance plenare në lidhje me Aktin Normativ për ndryshimet në buxhetin 2021, duke thënë se prioritet i qeverisë është vaksinimi i qytetarëve dhe ndryshimet parashikojnë shtesën 2 miliard lekë për Fondin Rezervë me destinacion blerjen e vaksinave. /sarandacity.al/
