Kryeministri grek Kyriakos Mitsotakis, partia e të cilit fitoi zgjedhjet e djeshme, por nuk arriti një shumicë, tha se ai nuk do të formonte një qeveri koalicioni dhe shpresonte për zgjedhje të reja më 25 qershor.
Mitsotakis ia tha këtë presidentes Katerina Sakellaropoulou, e cila duhej t’i jepte zyrtarisht mandatin për të formuar koalicionin sot, më 22 maj, pasdite.
Konservatorët grekë nuk fituan mjaft mandate për të përmbushur premtimin e tyre për të qeverisur në mënyrë të pavarur, ndaj zgjedhjet e reja në qershor janë të sigurta.
Partia Demokracia e Re e kryeministrit aktual Mitsotakis fitoi 40.8 për qind të votave të dielën dhe e majta Syriza fitoi 20.1 për qind. Fitorja dërrmuese e Mitsotakis sugjeron se ai nuk do të bashkojë forcat me asnjë parti. /tesheshi.com/
