Fonde ruse dhe te LSI? Publikohen derdhjet në “arkën” e Kryemadhit

Ka dalë së fundi një fakt që tregon se si fonde me prejardhje ruse u derdhën te politike shqiptare pak vite më parë, më saktë te LSI, a akoma dhe më saktë, te Monika Kryemadhi.

Në një shkrim të Eu Reporter me seli në Bruksel që analizon përpjekjet e Kremlinit për të fituar influencë e kontroll në rajonin e Ballkanit, aty veçohet dhe ky fakt.

Aty thuhet se “dëshmi të mëtejshme të zbuluara tregojnë gjithashtu se Monika Kryemadhi, gruaja e ish-presidentit shqiptar që qeverisi në koalicion me PD-në Ilir Meta, ka marrë një sërë pagesash në vitin 2017 nga kompani të kontrolluara përfundimisht nga biznesmenë rusë të naftës me lidhje të ngushta me Kremlinin përmes një sërë kompanish offshore”.

Vijohet më tej duke u shkruat se “Kryemadhi bëri një pagesë për një kompani offshore, Vradus Holdings, e cila u zbulua se kontrollohej përfundimisht nga Vitaly Savvin, një tregtar rus nafte, kompania ruse e naftës e të cilit u zbulua gjithashtu nga Forbes se kishte qenë një nga donatorët më të mëdhenj të Putinit.

Më tej, Kryemadhi ka marrë pagesa nga kompania offshore Holdem Holdings, e cila kontrollohet nga oligarkët rusë të naftës Alexander Smuzikov dhe Alexander Kaplan. Smuzikov dhe Kaplan bënë pasurinë e tyre në botën e turbullt të naftës ruse në një kompani të kontrolluar nga oligarkët rusë, të cilët që atëherë janë sanksionuar për shkak të lidhjeve të tyre me Kremlinin. Është e paqartë pse Kryemadhi i ka marrë këto pagesa nga këta biznesmenë rusë”.

Kujtojmë se deri më tani, e përfolur për implikim në fonde ruse ka qenë PD, e kohës së qeverisjes nga Basha. Ky fakt se dhe LSI morri fonde të tilla, është i ri.

Është fjala për kohën kur kjo forcë u largua nga bashkëqeverisja me PS-në. /sarandacity.al/